Framherjinn Martin Braithwaite er að ganga í raðir spænska stórliðsins Barcelona.
Frá þessu greina helstu miðlar Evrópu en Braithwaite er keyptur til Barcelona á 18 milljónir evra.
Stórliðið fékk leyfi frá spænska knattspyrnusambandinu að fá inn leikmann þrátt fyrir að glugginn sé lokaður.
Ástæðan er sú að Barcelona er í meiðslavandræðum og eru þeir Luis Suarez og Ousmane Dembele frá.
Braithwaite er danskur landsliðsmaður en hann lék eitt sinn með Middlesbrough og nú síðast með Leganes.