Hjörð mörg hundruð fíla hefur snúið aftur til norðaustur hluta Nígeríu til svæðis þar sem lítið er um fólk en það hefur verið hrakið á flótta af Boko Haram sem eru uppreisnarsveitir öfgasinnaðra íslamista. Fílunum stafar ógn af uppreisnarmönnum og margir íbúar á svæðinu eru allt annað en sáttir við fílana því þeir hafa troðið uppskeru þeirra niður.
Rúmlega 250 fílar hafa komið til Kala-Balge í Nígeríu frá Chad og Kamerún á síðustu vikum. Fílarnir hafa árum saman hræðst þorp á svæðinu en þeir eru yfirleitt varkárir hvað varðar mannabyggðir. En eftir áralanga baráttu Boko Haram á svæðinu eru mörg þorp nú auð því íbúarnir hafa hrakist á brott. Af þeim sökum leita fílarnir nú þangað.
Samkvæmt frétt The Guardian þá segir Babagana Shettima, leiðtogi samfélags í Kala-Balgei, að nærvera fílanna hafi aukið á hörmungar íbúanna. Fílarnir eyðileggi ræktarland og ekki sé á bætandi því fólk þjáist fyrir vegna átaka. Margir dvelji í flóttamannabúðum eða séu á vergangi og ef fílarnir eyðileggi uppskeruna hafi fólk ekkert að borða.
