fbpx
Sunnudagur 24.janúar 2021
Pressan

Hinir þöglu kjósendur munu ráða því hvort Trump nær endurkjöri

Kristján Kristjánsson
Þriðjudaginn 21. júlí 2020 05:45

Kjörstaður í Atlanta. Mynd: EPA-EFE/ERIK S. LESSER

Ekki missa af Helstu tíðindum dagsins í pósthólfið þitt

Lesa nánar

Þegar Donald Trump sigraði í forsetakosningunum 2016 voru það hinir þöglu kjósendur sem tryggðu honum sigurinn. Þetta eru þeir kjósendur sem halda sig til hlés í umræðunni um stjórnmál og vilja ekki taka þátt í skoðanakönnunum eða svara ekki rétt ef þeir taka þátt. Nú er spurningin hvort þessi hópur muni aftur styðja Trump eða snúa við honum baki?

Margir þeirra sem styðja Trump eru ekki mjög viljugir til að segja nágrönnum sínum eða vinnufélögum frá því og hvað þá þeim sem gera skoðanakannanir. Þetta kom vel í ljós í kosningunum 2016 þegar nær allar skoðanakannanir sýndu að Hillary Clinton myndi sigra.

Af þessum sökum hafa margir nú áhuga á að vita hversu margar af þeim skoðanakönnunum, sem eru gerðar þessa dagana, endurspegla kjósendahópinn og fyrirætlanir hans í raun og veru. Í þessu sambandi hefur verið rætt um að til sé hópur, sem hefur verið nefndur „feimnir kjósendur Trump“.

Tímaritið Roll Call, sem fjallar um stjórnmál, hefur eftir Jim Manley, stjórnmálasérfræðingi sem starfar fyrir Demókrataflokkinn, að hann telji rétt að reikna með að það séu margir kjósendur sem séu hræddir við að segja að þeir styðji Trump ef þeir lenda í úrtaki í skoðanakönnun.

Miðað við síðustu skoðanakannanir er útlitið ekki bjart fyrir Trump. Andstæðingur hans, Joe Biden, er með rúmlega 9 prósentustiga forskot að meðaltali að sögn Real Clear Politics. Ef þetta forskot helst fram að kosningunum þann 3. nóvember er forsetatíð Trump á enda. En skoðanakannanir gefa ekki endilega rétta mynd eins og kom berlega í ljós 2016 þegar Hillary Clinton var spáð sigri með um 3 prósentustiga mun. Hún sigraði í raun með 2 prósentustiga mun en vegna kjörmannakerfisins var Trump kjörinn forseti.

Mun færri skoðanakannanir eru gerða í einstökum ríkjum en á landsvísu og í hverju ríki þarf minna til að breyta hlutföllunum. Þetta skiptir miklu máli í kjörmannakerfinu því sá sem sigrar í hverju ríki fær alla kjörmenn þess ríkis.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lélegur ræningi – Ránsfengurinn var 70 krónur og tvær servíettur

Lélegur ræningi – Ránsfengurinn var 70 krónur og tvær servíettur
Pressan
Í gær

Líklegt að Kamala Harris verði að lifa með hótunum á áður óþekktu stigi

Líklegt að Kamala Harris verði að lifa með hótunum á áður óþekktu stigi
Pressan
Fyrir 2 dögum

Eldri hjón í fjárhagslegri gíslingu eftir að byggingaverktakinn sveik þau – Glímir við kvíða og þunglyndi og missti vinnuna

Eldri hjón í fjárhagslegri gíslingu eftir að byggingaverktakinn sveik þau – Glímir við kvíða og þunglyndi og missti vinnuna
Pressan
Fyrir 2 dögum

Virgin Orbit komst út í geim á sunnudaginn

Virgin Orbit komst út í geim á sunnudaginn
Pressan
Fyrir 3 dögum

Verðandi varnarmálaráðherra Bandaríkjanna vill losna við öfgamenn úr hernum

Verðandi varnarmálaráðherra Bandaríkjanna vill losna við öfgamenn úr hernum
Pressan
Fyrir 3 dögum

Joe Biden hefur svarið embættiseið og flytur innsetningarræðu

Joe Biden hefur svarið embættiseið og flytur innsetningarræðu
Pressan
Fyrir 3 dögum

Trump hefur rætt um að stofna nýjan stjórnmálaflokk – „Patriot Party“

Trump hefur rætt um að stofna nýjan stjórnmálaflokk – „Patriot Party“
Pressan
Fyrir 3 dögum

Þjóðverjar framlengja harðar sóttvarnaaðgerðir og herða enn frekar

Þjóðverjar framlengja harðar sóttvarnaaðgerðir og herða enn frekar