Metro skýrir frá þessu og segir að Ulrich Siegmund, oddviti flokksins, hafi sagt að flokkurinn standi fast á að innflytjendur verði fluttir úr landi.
CNN hefur séð stefnuskrá flokksins og segir að í henni sé hvatt til „180 gráðu beygju“ hvað varðar móttöku innflytjenda og að innflytjendur verði fluttir úr landi, svokallað „remigration“ sem hefur verið tengt við hugmyndafræði nasista.
Remigration beinist að brottflutningi innflytjenda og flóttamanna, aðallega þeirra sem eru ekki hvítir á hörund, aftur til upprunalands þeirra.
Flokkurinn er einnig á móti því sem hann kallar „and-rússneska stefnu“ annarra stjórnmálaflokka. Í stefnuskránni segir að þessi stefna þjóni ekki hagsmunum Þýskalands og geri lítið annað en að kljúfa Evrópu.
