Fjögurra ára drengur liggur þungt haldinn á sjúkrahúsi í Las Palmas á Gran Canaria eftir að honum var bjargað meðvitundarlausum úr hótelsundlaug í bænum San Bartolomé de Tirajana. Vegna ástands hans var honum flogið í þyrlu frá sumarleyfisstaðnum á barnaspítala í Las Palmas.
Síðast þegar fréttist var drengurinn á lífi en óvíst er með framhaldið. Ástand hans er sagt vera mjög alvarlegt en atvikið átti sér stað síðdegis á laugardag.
Allt kapp var lagt á að bregðast hratt við og bjarga lífi litla drengsins og tók fjöldi manns þátt í þeirri aðgerð að koma honum á sjúkrahúsið og hlúa að honum þar. En draumafrí þessarar fjölskyldu breyttist þarna í martröð.
Í fjölmiðlum kemur ekki fram hvaðan fjölskylda drengsins er en hún virðist vera bresk.
Sjá nánar um málið hér.
