Manst þú eftir fyrstu fréttamyndunum frá innrásinni, þegar brynvarin rússnesk ökutæki óku inn í Úkraínu eldsnemma að morgni? Manstu þegar Vladímír Pútín tilkynnti nokkrum klukkustundum áður að „sérstök hernaðaraðgerð“ væri að hefjast og væri markmið hennar að „afvopna og afnasistavæða Úkraínu“?
Þú manst kannski líka eftir lítt reyndur forseti Úkraínu, leikarinn og grínistinn Volodymyr Zelensky, fór að birtast reglulega á sjónvarpsskjánum sem leiðtogi lands í stríði.
Það eru rúmlega 1.500 dagar síðan þetta gerðist og eins og áður sagði hefur þetta sóst mjög hægt hjá Rússum en þeir hafa lagt um 19% af Úkraínu undir sig samkvæmt upplýsingum frá bandarísku hugveitunni Institute for the Study of War.
Esben Salling Larsen, greinandi hjá danska varnarmálaskólanum sagði í samtali við Jótlandspóstinn að hann sjái tvær ástæður fyrir því að sókn Rússa hefur ekki gengið hraðar en raun ber vitni og hafi ekki yfirhöndina í stríðinu.
Larsen sagði að það sé erfitt að mæla nákvæmlega hversu mikið land Rússar hafa lagt undir sig og það sé hægt að rökræða um nákvæma tölu en hins vegar sé ljóst að þeir hafi ekki náð miklum árangri á fjórum árum.
Hann segir að önnur ástæða þess að Rússar hafi ekki náð betri árangri en þetta sé að þeir hafi frá upphafi ofmetið eiginn styrk. Þrátt fyrir að þeir hafi efnt til herkvaðningar og margir gengið til liðs við herinn, þá séu ekki eins margir hermenn á hvern ferkílómetra og í síðari heimsstyrjöldinni. Þegar horft sé á þetta, þá sé stríðið í Úkraínu kyrrstæðara en bæði fyrri og síðari heimsstyrjöldin.
Hin ástæðan, sem segir að hafi komið honum mjög á óvart, sé lygin.
Sjö mánuðum fyrir innrásina gaf Pútín út litla bók með heitinu „Hin sögulegu tengsl Rússlands og Úkraínu“. Þar skrifaði hann meðal annars að það séu engar sögulegar ástæður fyrir að Úkraína sé aðskilin frá Rússlandi að sögn hugveitunnar Center for Strategic & International Studie sem segir að boðskapur bókarinnar sé ekki sannur.
Það er einmitt í þessari lygi sem Larsen sér hina ástæðuna fyrir slöku gengi rússneska hersins. „Rússar eru byrjaðir að trúa sinni eigin sögu um að Úkraínumenn séu í raun Rússar. Þetta á sér ekki stoð í raunveruleikanum, svo Úkraínumenn hafa ekki bara gefist upp eins og Rússar töldu að þeir myndu gera,“ sagði hann.
Hann sagði að markmið Rússa sé að hertaka ákveðin svæði í Úkraínu og skilja landið eftir sem vanmáttugt ríki.
Tölur frá hugveitunni Institute for the Study of War sýna að 1,2 milljónir Rússa hafa fallið, særst eða týnst í stríðinu. Hjá Úkraínu er talan 500.000 til 600.000.
