TT fréttastofan skýrir frá þessu og segir að samkvæmt frumvarpinu verði sakhæfisaldurinn lækkaður fyrir alvarleg afbrot, sem minnst fjögurra ára fangelsi liggur við. Það eru til dæmis morð, morðtilraun og grófar nauðganir.
TT segir að margir hafi gagnrýnt frumvarpið, þar á meðal sérfræðingar.
Lagaráðið hafnaði frumvarpinu einnig en ráðið fer yfir þau lagafrumvörp sem ríkisstjórnin hyggst leggja fyrir þingið. En þrátt fyrir þessa höfnun ákvað ríkisstjórnin að senda frumvarpið til þingsins.
Gunnar Strömmer, dómsmálaráðherra, sagði á fréttamannafundi að núverandi kerfi hafi hvorki verndað landsmenn gegn lífshættulegum ofbeldisverkum, né brotið þau slæmu mynstur sem eru oft í kringum þau börn sem fremja alvarleg afbrot. Hann benti á að á síðasta ári hafi 52 börn, yngri en 15 ára, komið við sögu í réttarhöldum er varða morð eða morðáætlanir og sagði hann þennan fjölda vera skelfilegan.
