Ungt breskt par, þau Holly Cooper og Taylor Johnson, sem bæði eru tvítug, eiga yfir höfði sér frá 10 og upp í 30 ára fangelsi í Tyrklandi, eftir að hafa komið með mikið magn af kannabisefnum inn í landið.

Þau Holly og Taylor flugu frá Tælandi til Istanbul og ætluðu síðan í flug frá Istanbul til London, eru þau voru handtekin á flugvellinum í Istanbul með tvær ferðatöskur stútfullar af kannabis.

Samkvæmt tyrkneskum lögum eiga þau yfir höfði sér lágmark 10 ára fangelsi og upp í 30 ár.

Fjölskyldur ungmennanna hafa sett upp fjáröflunarsíður til að safna fyrir lögmannakostnaði fyrir þau en þau hafa sem stendur ekki lögmenn í sinni þjónustu.

Þau sitja núna í gæsluvarðhaldi í fangelsi og verða þar fram að réttarhöldunumm en fram að réttarhöldunum gæti liðið allt að eitt ár.

Sjá nánar á vef Metro.