Saksóknarar í Þýskalandi ætlar að freista þess að koma Christian Brueckner, sem bresku lögreglunni grunar að hafi myrt Madeleine McCann, aftur á bak við lás og slá. Madeleine McCann hvarf af hótelherbergi í Praia da Luz í maí 2007.

Brueckner var búsettur í Portúgal á þeim tíma og hefur lögreglan í Bretlandi sagt að gögn úr farsímaturni gefi til kynna að hann hafi verið í Praia da Luz kvöldið sem Madeleine hvarf, þar að auki séu til skrár úr grunsamlegu samtali á Skype. Brueckner hefur harðneitað aðkomu sinni að hvarfi McCann.

Mikill þrýstingur er á lögregluna að fá hann framseldan til Bretlands fyrir næsta ár þegar 20 ár verða liðin frá hvarfinu. Erfitt er að fá hann framseldan þar sem þýska stjórnarskráin meinar slíkt framsal til landa utan Evrópusambandsins.

Brueckner var fangelsaður í Þýskalandi fyrir að nauðga 72 ára konu, honum var sleppt úr haldi í september í fyrra. Þýska dagblaðið Bild fjallar um tilraun saksóknara í Oldenburg í Þýskalandi til að fá hann aftur í fangelsi. Hann var dæmdur í sex vikna fangelsi í desember 2024 fyrir að kalla fangavörð „tíkarson“, Brueckner áfrýjaði málinu og verður það tekið fyrir í byrjun hausts.

„Saksóknarar í máli Madeleine vita að á meðan hann gengur laus þá er tækifæri fyrir hann að flýja land og láta sig hverfa,“ sagði heimildarmaður Bild. „Ef hann gerir það þá er öll von úti að málið komist fyrir dóm.“