37 ára gamall breskur maður lést eftir heiftarleg slagsmál á næturklúbbi á Amerísku ströndinni í suðurhluta Tenerife.
Atvikið varð á fimmtudagsnóttina í síðustu viku en 23 gamall Breti er í haldi lögreglu, grunaður um að hafa banað samlanda sínum.
Í frétt Canarian Weekly kemur fram að starfsfólk næturklúbbsins, sem staðsettur er á vinsælu næturlífssvæði, Las Veronicas, hafi gripið inn í átökin og yfirbugað árásarmanninn unga. Lögregla og sjúkralið komu á vettvang en ítrekaðar endurlífgunartilraunir á brotaþola báru ekki árangur og var maðurinn úrskurðaður látinn á vettvangi.
Rannsókn málsins er í fullum gangi en sem fyrr segir er hinn grunaði í haldi lögreglu.
Veronicas-gatan hefur haft fremur slæmt orð á sér og hafa eigendur fyrirtækja á svæðinu reynt að efla orðspor þess í samvinnu við lögreglu sem hefur t.d. gert átak gegn vasajófnaði og fíkniefnasölu.
