Við vitum öll að það er mjög mikilvægt að tannbursta sig til að tryggja góða tannheilsu og minnka líkurnar á að fá holur. En ef maður sleppir því að tannbursta sig, þá getur það haft keðjuverkandi áhrif í líkamanum og maður tekur ekki eftir þeim fyrr en það er um seinan.

Við höfum örugglega flest lent í því að vera mjög þreytt að kvöldi og skyndilega virðast þessar tvær mínútur, sem það tekur að tannbursta sig, vera óyfirstíganlegar og maður hugsar með sér: „Það er örugglega í lagi að sleppa þessu í kvöld.“

En það að sleppa því að tannbursta sig, getur hrundið keðjuverkun af stað sem maður finnur ekki fyrir fyrr en það er um seinan.

Tannburstun er ekki bara venja, hún er fyrsta varnarlínan gegn sjúkdómum. Þegar þú sleppir því að bursta tennurnar, þá komast bakteríurnar á skrið.

Eftir sólarhring geta þær byrjað að mynda tannstein og hann getur bara tannlæknirinn fjarlægt. Um leið berast bakteríurnar sér niður í tannholdið og valda sýkingu. Nyheder24 skýra frá þessu.

En bakteríurnar stoppa ekki í tannholdinu. Samkvæmt rannsóknum, til dæmis frá Fatima Khan og Hiren Bhatt, þá geta bakteríurnar farið neðar í líkamann. Þær geta haft áhrif á þarmaflóruna, veikt ónæmiskerfið og í versta falli komist í blóðrásina. Ef þær komast þangað geta þær aukið hættuna á allt frá hjarta- og æðasjúkdómum til heilablóðfalls.

Leti við að tannbursta getur því haft miklu meiri áhrif en bara andfýlu og gular tennur. Líkaminn er ein heild og bakteríurnar í munninum fá greiðan aðgang að líkamanum ef  maður tannburstar ekki.