fbpx
Miðvikudagur 12.ágúst 2020
Pressan

Bandaríkjastjórn vísar erlendum námsmönnum úr landi – Hefur áhrif á íslenska námsmenn

Kristján Kristjánsson
Miðvikudaginn 8. júlí 2020 07:31

Widener bókasafn Harvard háskóla. EPA-EFE/CJ GUNTHER

Ekki missa af Helstu tíðindum dagsins í pósthólfið þitt

Lesa nánar

Bandarísk yfirvöld hafa ákveðið að vísa þeim erlendu námsmönnum sem eru í landinu og fá nú fjarkennslu úr landi í haust. Þetta er vegna heimsfaraldurs kórónuveirunnar. Í tilkynningu frá innflytjendayfirvöldum, ICE, á mánudaginn kom fram að þeir námsmenn sem eru með F-1 eða M-1 dvalarleyfi missi það ef öll sú kennsla, sem þeir fá, fer fram í fjarkennslu.

Þeir verða þá að yfirgefa Bandaríkin eða skrá sig í skóla þar sem þeir geta sótt kennslustundir á hefðbundinn hátt. Þessar nýju reglur auka á þrýstinginn á skóla og háskóla um að taka upp hefðbundna kennslu á ný á sama tíma og smitum meðal ungs fólks fer fjölgandi. Margir skólar og háskólar, þar á meðal Harvard, hafa alfarið skipt yfir í fjarkennslu síðan heimsfaraldurinn skall á.

Donald Trump, forseti, er sagður krefjast þess að skólar og háskólar taki upp hefðbundna kennslu á nýjan leik eins fljótt og auðið er. Eftir að ICE kynnti þessar nýju reglur tísti hann að allir skólar verði að hefja hefðbundna kennslu í haust.

Reglurnar munu valda mörgum erlendum námsmönnum miklum vandræðum en margir þeirra eru fastir í Bandaríkjunum vegna heimsfaraldursins.

Í reglum ICE kemur fram að engar undantekningar verði gerðar á þeim og varðar þá engu þótt skólar neyðist til að taka upp fjarkennslu vegna faraldursins. Ekki kemur fram hvað verður gert í málum þeirra sem ekki komast heim vegna faraldursins.

Um 1.500 íslenskir námsmenn í Bandaríkjunum eru á skrá LÍN að því er kemur fram í frétt RÚV. Ákvörðun bandarískra stjórnvalda mun einnig hafa áhrif á þá og þeir neyðast til að halda heim á leið ef aðeins er boðið upp á fjarkennslu í skólum þeirra.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 2 dögum

Hræðilegt leyndarmál eiginmannsins

Hræðilegt leyndarmál eiginmannsins
Pressan
Fyrir 2 dögum

Enn er sótt að Andrew prins – „Þetta voru lengstu 10 mínútur lífs míns“

Enn er sótt að Andrew prins – „Þetta voru lengstu 10 mínútur lífs míns“
Pressan
Fyrir 5 dögum

Sáði dularfullum fræjum sem komu í pósti – Útkoman var ótrúleg

Sáði dularfullum fræjum sem komu í pósti – Útkoman var ótrúleg
Fyrir 5 dögum

Gylfi Sig við veiðar í Grímsá í Borgarfirði

Gylfi Sig við veiðar í Grímsá í Borgarfirði