Freyr Alexandersson var í gær rekinn úr starfi hjá Brann í norsku úrvalsdeildinni í fótbolta. BT í Noregi segir nokkrar ástæður vera fyrir brottrekstri hans.

Freyr var á sínu öðru ári með Brann og eftir frábært fyrsta tímabil hafði Brann hikstað nokkuð á þessu tímabili.

„Þess vegna fór þetta svona,“ segir í fyrirsögn hjá BT sem hefur úr herbúðum Brann nokkrar ástæður þess að Freyr var rekinn.

„Þegar átökin milli stjórnenda Brann og Freys voru orðin svona djúpstæð, gat þetta varla endað á annan hátt. Átökin byggjast á nokkrum þáttum,“ segir í greininni.

Ástæðurnar sem BT segja vera fyrir brottrekstrinum:
Stjórn Brann taldi opinber ummæli hans um innri ákvarðanir vera ótryggð við félagið. Sérstaklega þar sem þeir töldu að hann hefði sjálfur stutt þessar sömu ákvarðanir innan dyra.

Úrslitin í deildinni hafa verið slök yfir lengri tíma, verri en stjórnin taldi að meiðsli gætu skýrt.

Stjórnin var orðin þreytt á því að Freyr útskýrði oft tapleiki með þáttum sem féllu undir ábyrgð annarra starfsmanna Brann. Þeir voru ekki sáttir við getu hans til að taka sjálfsgagnrýni.

Stjórnin telur að undirliggjandi tölur sýni að pressuspil Brann hafi orðið mun síður árangursríkt, á sama tíma og andstæðingar hafa skapað sér of mörg færi. Einnig var leikstíll liðsins, sem byggði á háum ákafa í sókn, að hverfa.

Að endingu segir að samband hans við stjórnina hafi verið komið á endastöð. „Í umræðum um þessi ágreiningsmál tókst stjórninni og Frey ekki að finna neinn sameiginlegan grundvöll til að byggja áfram samstarf sitt á.“