OnlyFans-stjarnan Arabella Mia hefur vakið mikla athygli eftir að hún mætti berbrjósta á sigurgöngu Arsenal um helgina.

Arabella var meðal um milljón stuðningsmanna sem fögnuðu Englandsmeistaratitlinum í London. Hún var með Arsenal-treyju málaða á líkamann, en bróðir hennar var eins. Er þetta ekki í fyrsta sinn sem Arabella gerir slíkt, eins og sjá má hér að neðan.

Uppátækið vakti hörð viðbrögð á samfélagsmiðlum, meðal annars vegna þess að mikið af börnum var á svæðinu. Sumir sögðu hegðunina óviðeigandi og kölluðu eftir því að hún yrði handtekin fyrir ósæmilega hegðun á almannafæri.

Aðrir bentu hins vegar á að bróðir hennar hefði verið nákvæmlega eins klæddur en fengið mun minni gagnrýni.

Arabella svaraði umræðunni sjálf og sagði athyglisvert hversu ólík viðbrögðin væru gagnvart henni og bróður hennar. Hún bætti einnig við að fólk virtist ekki lengur kunna að hafa gaman.