Manchester United hefur náð samkomulagi við Atalanta um kaup á brasilíska miðjumanninum Ederson.
Samkvæmt helstu miðlum gæti leikmaðurinn kostað allt að 39 milljónir punda. United greiðir 35 milljónir punda strax en fjórar milljónir til viðbótar geta svo bæst við síðar meir.
Ederson mun skrifa undir samning til ársins 2030 á Old Trafford með möguleika á framlengingu um eitt ár til viðbótar að því loknu.
Leikmaðurinn á aðeins eftir að fara í læknisskoðun og líklegt er að skiptin verði formlega staðfest í byrjun næsta mánaðar.
Ederson verður 26 ára í sumar. Hann hefur heillað í ítalska boltanum undanfarin ár og verið orðaður við United í nokkurn tíma.
