David Beckham, einn af eigendum Inter Miami, hefur að sögn mikinn áhuga á að fá Pep Guardiola til félagsins nú þegar spænski stjórinn lætur af störfum hjá Manchester City.
Mirror greinir frá því að Beckham sjái Guardiola sem draumaráðningu fyrir MLS-félagið, sem hefur vakið heimsathygli undanfarin ár með komu leikmanna á borð við Lionel Messi, Luis Suárez, Sergio Busquets og Jordi Alba.
Þrátt fyrir áhuga Inter Miami segir miðillinn að Guardiola hafi ekki í hyggju að taka við öðru liði strax að loknu starfi sínu hjá Manchester City. Talið er að hann vilji taka sér hlé frá þjálfun áður en hann ákveður næstu skref á ferlinum.
Guardiola hafði stýrt Manchester City frá árinu 2016 og unnið fjölda titla með félaginu, þar á meðal Meistaradeild Evrópu og sex Englandsmeistaratitla.
