Mason Greenwood gæti verið á leið frá Marseille í sumar þrátt fyrir gott tímabil í Frakklandi.
BBC greinir frá því að Greenwood sé nefnilega efstur á óskalista beggja frambjóðenda í forsetakjöri hjá tyrkneska stórliðinu Fenerbahce.
Framherjinn skoraði 16 mörk og lagði upp sjö á nýliðnu tímabili og var meðal markahæstu leikmanna frönsku deildarinnar. Þrátt fyrir það hefur íþróttastjóri Marseille, Mehdi Benatia, gefið í skyn að félagið sé tilbúið að hlusta á tilboð í hann.
Marseille er sagt meta Greenwood á tæpar 50 milljónir punda, en hann á þrjú ár eftir af samningi sínum.
Mason Greenwood yfirgaf Manchester United árið 2024 og gekk til liðs við Marseille eftir lánsdvöl hjá Getafe á Spáni. United fær hluta af næstu sölu í sinn vasa.
Auk Fenerbahce hefur Greenwood verið orðaður við Roma á Ítalíu.
