Arsenal hefur enn mikinn áhuga á argentínska sóknarmanninum Julian Alvarez hjá Atletico Madrid samkvæmt Football London.
Mikel Arteta, stjóri Arsenal, og Andrea Berta, yfirmaður knattspyrnumála, eru með Alvarez ofarlega á blaði fyrir sumarið.
Skytturnar vilja styrkja hópinn enn frekar eftir að hafa landað Englandsmeistaratitlinum og farið í úrslitaleik Meistaradeildarinnar í vor.
Barcelona virðist þó leiða kapphlaupið um framherjann. Football London segir spænska félagið hafa lagt fram tilboð upp á 86,5 milljónir punda, en Mundo Deportivo greinir jafnframt frá því að Alvarez hafi samþykkt fimm ára samning við Barcelona.
Alvarez hefur skorað 49 mörk fyrir Atletico síðan hann kom frá Manchester City árið 2024.
