Guðrún Hálfdánardóttir blaðamaður á RÚV og Sigurður Árni Sigurðsson myndlistarmaður hafa sett íbúð sína við Gnoðarvog á sölu.

Íbúðin er 125 fm á 2. hæð í húsi sem byggt var árið 1958.

Íbúðin skiptist í forstofu, eldhús, borðstofu og stofu með stórum gluggum, baðherbergi og fjögur svefnherbergi, þar af eitt þeirra utan íbúðar sem hefur verið nýtt sem unglingaherbergi.

„Ég held að ég sé íhaldssöm. Að minnsta kosti skipti ég sjaldan um starf og húsnæði og ég held að það hafi verið mín gæfa að starfa við það sem mér finnst skemmtilegt og búa í dásamlegri íbúð í Vogahverfinu í 24 ár. Í dag eru 30 ár síðan ég hóf störf á Morgunblaðinu sem blaðamaður og þar starfaði ég á bæði blaði og mbl næstu 25 árin. Í ágúst eru 5 ár síðan ég hóf störf á Rás 1 og fyrir allt þetta er ég þakklát. Síðustu vikur hef ég verið í leyfi frá hefðbundnum störfum og við rannsóknir í Kaupmannahöfn. Afraksturinn verður á dagskrá Rásar 1 síðar á árinu. En þá að húsnæðinu. Við Sigurður Árni settum íbúðina okkar á sölu áður en ég fór út en ákváðum að bíða með opið hús þar til ég væri komin heim. Þannig að ef þið eruð að leita að dásamlegri íbúð fyrir fjölskyldu þá er opið hús í Gnoðarvoginum á mánudag,“

segir Guðrún um söluna í færslu á Facebook.

Nánari upplýsingar um eignina má finna hér.