Sirrý Arnardóttir, fjölmiðlakona með meiru, var ekki hrifin af aðstæðum á leikvelli sem stendur við heimavöll KR í Vesturbæ Reykjavíkur.
Umræða um leikvöllinn hefur áður borið á góma, en margir hafa bent á að kominn sé tími á að lappa upp á hann.
„Lífið er leikur. LJÓTASTI RÓLUVÖLLUR höfuðborgarinnar er fundinn!“ skrifar Sirrý við myndband sem hún birtir af leikvellinum á Facebook.
Þó nokkrir taka undir með Sirrý, þó einhverjir bendi vissulega á að við KR-völl væri þó allavega leikvöllur fyrir yngstu áhorfendurna.
Felix Bergsson er einn af þeim sem taka undir með Sirrý.
„Já þetta er eiginlega okkur KRingum til skammar, þarf að fara að gera eitthvað í þessu,“ skrifar hann.
Myndbandið sem um ræðir er hér að neðan.
