John Barnes, fyrrverandi leikmaður Liverpool og enska landsliðsins, hefur opinberað að hann hafi barist við krabbamein í blöðruhálskirtli, en fáir vissu af baráttu hans.

Barnes, sem er 62 ára gamall, sagði frá þessu í nýju viðtali.

„Ég er í góðu standi núna. Allt er í lagi hjá mér,“ sagði goðsögnin og tók fram að börn sín hafa hvatt sig til að fara í skoðun.

Hann sagði einnig að margir karlmenn ættu erfitt með að ræða slíka hluti.

„Margir vilja ekki láta athuga sig því þeir halda að það geri þá að minni mönnum. En þannig er það ekki,“ sagði Barnes.

Barnes, sem fæddist á Jamaíka, lék með Watford og Liverpool á ferlinum og spilaði 78 landsleiki fyrir England.

Undanfarið hafa aðrir fyrrverandi enskir landsliðsmenn á borð við Kenny Dalglish og Kevin Keegan einnig greint frá baráttu sinni við krabbamein.