fbpx
Föstudagur 27.janúar 2023
Pressan

Sjö ára stúlka numin á brott og myrt – Sendill handtekinn

Kristján Kristjánsson
Þriðjudaginn 6. desember 2022 22:00

Athena Strand

Ekki missa af Helstu tíðindum dagsins í pósthólfið þitt

Lesa nánar

Síðasta miðvikudag var Athena Strand, sjö ára, að leik í innkeyrslunni fyrir framan heimili föður hennar í Boyd í Texas. Þegar stjúpmóðir hennar kom út eftir um klukkustund var Athena horfin. Lögreglunni var strax tilkynnt um hvarf hennar og strax var lýst eftir henni á landsvísu.

Lögreglan óttaðist frá upphafi að um mannrán væri að ræða og á föstudaginn fékkst sá grunur staðfestur. Þá fannst lík Athena í Wise County, sem er norðaustan við Dallas, aðeins nokkrum kílómetrum frá heimili föður hennar.

CNN segir að grunur hafi fljótlega fallið á 31 árs sendil hjá FedEx sem kom með pakka á heimilið á sama tíma og Athena hvarf.

Bílstjórinn, sem heitir Tanner Lynn Horner, var handtekinn á föstudaginn, grunaður um mannrán og morð. Hann hefur játað að hafa numið Athena á brott og myrt hana.

Hann þekkti hvorki hana né fjölskyldu hennar og lögreglan segir ekki vitað af hverju hann nam Athena á brott.

Maitlyn Gandy, móðir hennar, skrifaði á Facebook að hún eigi sé þá ósk að heimurinn þekki dóttur hennar sem eitthvað annað en fórnarlamb morðingja: „Prinsessan mín var tekin frá okkur að ástæðulausu af veiku og illu skrímsli. Athena var saklaus, falleg, vinaleg, gáfuð og gáfaðasta og glaðasta sálin sem þú gast hitt. Ég elska dóttur mína meira en orð fá lýst og það mun ég alltaf gera. Ég get ekki lýst hugarástandi mínu og þeirri sorg sem ég finn fyrir nú. Að segja að ég muni sakna hennar lýsir því engan veginn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt