Michelle Lujan Grisham, ríkisstjóri í Nýju Mexíkó, hefur skrifað undir tilskipun um að 10 milljónum dollara verði varið til byggingar þungunarrofsmiðstöðvar í Dona Ana sýslu, sem er við ríkjamörk Texas. Yfirvöld í Nýju Mexíkó reikna með auknum straumi kvenna frá nágrannaríkjum, þar sem þungunarrof hefur verið bannað í kjölfar úrskurðar hæstaréttar í júní þar sem það var lagt í vald einstakra ríkja að ákveða hvort þungunarrof sé heimilt, í þungunarrof.

Grisham, sem er Demókrati, sagðist reikna með að þungunarrofsmiðstöðin verði í Las Cruces, sem er næst stærsta borgin í Nýju Mexíkó. Hún sagði að þar geti bæði einkaaðilar og opinberir aðilar boðið upp á þjónustu, þar á meðal þeir sem neyðast til að hætta starfsemi í ríkjum þar sem þungunarrof hefur nú verið bannað.

The Guardian segir að nú hafi þungunarrof verið bannað að mestu í 11 ríkjum síðan hæstiréttur sneri úrskurði réttarins frá 1973 í máli Roe v Wade við í júni en úrskurðurinn frá 1973 tryggði konum rétt til þungunarrofs.