fbpx
Miðvikudagur 27.maí 2020
Pressan

Afdrifarík kóræfing – Mætti veikur og smitaði nær allan kórinn

Kristján Kristjánsson
Fimmtudaginn 14. maí 2020 05:28

Skagit Valley Chorale. Mynd:Skagit Valley Chorale

Ekki missa af Helstu tíðindum dagsins í pósthólfið þitt

Lesa nánar

Á hverjum þriðjudegi koma félagar í Skagit Valley Chorale kórnum í Washingtonríki saman og æfa sig á milli klukkan 18.30 og 21. Æfing kórsins þann 10. mars síðastliðinn reyndist mjög afdrifarík og varð óafvitandi að viðburði þar sem fjöldi fólks smitaðist af kórónuveirunni sem veldur COVID-19 sjúkdómnum.

Einn kórfélaganna hafði verið með inflúensueinkenni í þrjá daga en mætti samt á æfinguna. Síðan liðu tvær vikur án þess að yfirvöld í ríkinu áttuðu sig á að heimsfaraldur kórónuveirunnar hafði náð þangað. Þá hófust þau handa við að setja fólk í sóttkví og einangrun.

En á fyrrnefndri kóræfingu voru 62 söngvarar. Tveimur dögum eftir æfinguna voru að minnsta kosti sex þeirra komnir með smiteinkenni og tveimur vikum síðar var fjöldinn kominn upp í 53. Tveir þeirra létust segir CNN.

Bandaríska smitsjúkdómastofnunin CDC fjallaði um málið í síðustu vikuskýrslu sinni og notar það til að hvetja fólk til að forðast að safnast saman í hópum, halda góðri fjarlægð á milli sín og nota andlitsgrímur.

Á kóræfingunni sátu félagarnir á stólum með 15 til 25 sm bili. Á miðri æfingunni tóku þeir hlé og borðuðu kökur og appelsínur. Að æfingu lokinni hjálpuðust þeir að við að stafla stólunum.

Þeir voru meðvitaðir um að heimsfaraldur kórónuveiru var skollinn á og slepptu því að faðmast eða takast í hendur og notuðu handspritt þegar þeir mættu á æfinguna.

Ekki er vitað nákvæmlega hvernig smitið barst á milli þeirra en CDC segir að hugsanlega hafi það borist með litlum dropum sem komu frá útöndun hins smitaða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Sat í fangelsi í 20 ár fyrir morð – Síðan játaði annar maður morðið á sig

Sat í fangelsi í 20 ár fyrir morð – Síðan játaði annar maður morðið á sig
Pressan
Í gær

Hér gæti ný og enn hættulegri kórónuveira borist í fólk

Hér gæti ný og enn hættulegri kórónuveira borist í fólk
Fyrir 2 dögum

,,Fallegustu fiskarnir í heiminum“

,,Fallegustu fiskarnir í heiminum“
Pressan
Fyrir 2 dögum

NASA gefur grænt ljós á mannaða geimferð með SpaceX

NASA gefur grænt ljós á mannaða geimferð með SpaceX
Pressan
Fyrir 3 dögum

Ekki spurning um að önnur bylgja COVID-19 ríði yfir – Bara hversu stór hún verður

Ekki spurning um að önnur bylgja COVID-19 ríði yfir – Bara hversu stór hún verður
Pressan
Fyrir 4 dögum

Lögreglumaður grunaður um rekstur vændishúss

Lögreglumaður grunaður um rekstur vændishúss
Pressan
Fyrir 5 dögum

Ný spá – Trump mun bíða afhroð í kosningunum í nóvember

Ný spá – Trump mun bíða afhroð í kosningunum í nóvember
Pressan
Fyrir 5 dögum

Honum var rænt fyrir 32 árum – Fyrir 12 dögum kom símtalið

Honum var rænt fyrir 32 árum – Fyrir 12 dögum kom símtalið