fbpx
Þriðjudagur 26.janúar 2021
Pressan

Hvaða áhrif hefur kjör Joe Biden á samskiptin við Norður-Kóreu?

Kristján Kristjánsson
Laugardaginn 21. nóvember 2020 08:00

Hvað gerir Kim Jong-un?

Ekki missa af Helstu tíðindum dagsins í pósthólfið þitt

Lesa nánar

Stjórnvöld í Norður-Kóreu hafa ekki enn brugðist opinberlega við sigri Joe Biden í bandarísku forsetakosningunum. Sérfræðingar telja mjög ólíklegt að Biden hafi verið sá sem Kim Jong-un, einræðisherra í landinu, hafi viljað að sigraði. Donald Trump, núverandi forseti, hefur verið sér á báti meðal bandarískra forseta fyrir vilja hans til að eiga í persónulegum samskiptum við einræðisherrann. Þessi samskipti þeirra, meðal annars fundarhöld, veittu einræðisherranum unga einhverskonar lögmæti eða viðurkenningu, sem þjóðarleiðtogi, á alþjóðavettvangi.

Þetta kemur fram í umfjöllun CNN um málið. Haft er eftir Joseph Yun, sendiherra og fyrrum yfirmanni stefnumörkunar Bandaríkjastjórnar í garð Norður-Kóreu, bæði í valdatíð Barack Obama og Trump, að hann telji að Norður-Kóreumenn hafi orðið fyrir vonbrigðum með tap Trump: „Í þeirra augum var Trump mikilvægur, þeir hittust þrisvar, fordæmalausir fundir.“

Biden hefur verið harðorður um Trump og samskipti hans við Norður-Kóreu og segir að þau hafi veikt refsiaðgerðir gegn einræðisríkinu. Biden kallaði Kim „óþokka“ í síðari kappræðunum við Trump og var mjög gagnrýninn á einræðisríkið í kosningabaráttunni.

Ekki er vitað hversu mikla áherslu Biden mun leggja á Norður-Kóreu en málefni landsins eru ekki á lista yfir þau forgangsverkefni sem stjórn hans á að takast á við. Ekki er talið líklegt að hann muni funda með Kim Jong-un á næstunni og raunar hefur Biden sagt að hann vilji ekki hitta einræðisherrann nema að ákveðnum skilyrðum uppfylltum.

Frá hersýningu í Norður-Kóreu.

Stjórnvöld í Norður-Kóreu eiga sér langa sögu um að ögra umheiminum þegar þau telja þörf á. Til dæmis stóðu þau fyrir eldflaugaskoti skömmu eftir að Trump tók við embætti 2017 en það markaði upphafið að erfiðum og hörðum samskiptum ríkjanna næsta árið. Sérfræðingar eru ekki á einum máli um hvort Norður-Kórea grípi til svipaðra aðgerða nú. Bent hefur verið á að yfirleitt sé hægt að lesa í orð Norðanmanna um hvað þeir hafi í hyggju en nú beri svo við að það ríkir nær algjör þögn hjá þeim svo ekki sé hægt að ráða í næstu skref þeirra.

Líklegt má teljast að Biden taki harðari afstöðu gegn Norður-Kóreu en Trump og að blásið verði til umfangsmikilla heræfinga í Suður-Kóreu til að sýna Norðanmönnum samstöðu Sunnanmanna og Bandaríkjanna og mátt þeirra á hernaðarsviðinu. En það er ómögulegt að lesa í Norðanmenn og hvað þeir eru með á prjónunum. Sérfræðingar telja að Biden muni ekki horfa svo mikið til Norður-Kóreu á næstunni en muni bregðast við aðgerðum Norðamanna ef þörf krefur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Dönsk sjúkrahús búa sig undir þriðju bylgju heimsfaraldursins – „Það er algjörlega ófyrirsjáanlegt hvað mun gerast“

Dönsk sjúkrahús búa sig undir þriðju bylgju heimsfaraldursins – „Það er algjörlega ófyrirsjáanlegt hvað mun gerast“
Pressan
Fyrir 2 dögum

Tæplega 30% útskrifaðra COVID-19-sjúklinga þurfa að leggjast aftur inn á sjúkrahús

Tæplega 30% útskrifaðra COVID-19-sjúklinga þurfa að leggjast aftur inn á sjúkrahús
Pressan
Fyrir 3 dögum

Vísindamenn segja að skordýr heimsins séu í bráðri hættu

Vísindamenn segja að skordýr heimsins séu í bráðri hættu
Pressan
Fyrir 3 dögum

Skuggalegt mál í Þýskalandi – Lögreglan ber kennsl á lík

Skuggalegt mál í Þýskalandi – Lögreglan ber kennsl á lík
Pressan
Fyrir 4 dögum

Vísindamenn segja óhugnanlega framtíð blasa við

Vísindamenn segja óhugnanlega framtíð blasa við
Pressan
Fyrir 4 dögum

Segir ólíklegt að COVID-19 hverfi algjörlega

Segir ólíklegt að COVID-19 hverfi algjörlega