Miðað við niðurstöður rannsóknar Frontiers in Nutrition, sem News-Medical fjallaði um, geta tvo mikið notuð sætuefni haft margvísleg áhrif á líkamann og jafnvel afkomendur þeirra sem innbyrða þessi sætuefni.

Vísindamenn rannsökuðu áhrif sætuefnanna sucralose og stevia á mýs. Þeir mældu meðal annars hvernig líkaminn tekst á við sykur.

Sumir af afkomendum músanna áttu erfitt með að hafa stjórn á blóðsykrinu en það getur verið snemmbúið merki um efnaskiptavandamál.

Einnig kom í ljós að breytingar áttu sér stað í bakteríuflóru þarmanna. Einnig voru mýsnar með minna magn af efnum sem hjálpa líkamanum venjulega við að starfa eðlilega.

Rannsóknin leiddi í ljós að þessi tvö sætuefni hafa mismunandi áhrif á líkamann. Áhrif sucralose voru greinilegri og meira langvarandi en áhrif stevia.

Hjá músum, sem fengu sucralose, sáu vísindamennirnir breytingar á genum sem hafa áhrif á bólgur og efnaskipti. Þessar breytingar sáust einnig hjá afkomendum þeirra.

Stevia hafði mildari áhrif og áhrifanna gætti ekki í eins miklum mæli hjá næstu kynslóð.

Það var bara fyrsta kynslóð músanna sem fékk sætuefnin en áhrifa þeirra gætti samt sem áður hjá afkvæmum þeirra. Þetta bendir til að áhrif þeirra erfist til næstu kynslóðar.

Vísindamennirnir leggja áherslu á að ekki sé hægt að heimfæra niðurstöðurnar beint upp á fólk, rannsóknin sýni samhengi en ekki öruggar orsakir.