Simon Thomas, fréttamaður Sky Sports, hefur opnað sig um áfallið sem fylgdi andláti eiginkonu hans, Gemmu, árið 2017.

Gemma lést aðeins þremur dögum eftir að hún greindist með hvítblæði og Thomas hefur áður lýst því hvernig hann glímdi við áfallið með því að leita í áfengi og drekka vodka daglega.

Í nýju viðtali sagði hann að sonur hans, Ethan, sem var aðeins átta ára þegar móðir hans lést, hafi smám saman áttað sig á ástandinu og uppgötvað vandann.

„Hann fór að átta sig eftir því eftir því sem mánuðirnir liðuu. Ég vildi ekki að hann sæi það sem hann sá,“ sagði Thomas og bætti við að helstu erfiðleikarnir í bataferlinu hafi verið að takast á við sektarkenndina gagnvart syni sínum.

Hann sagði jafnframt frá því hversu hratt hlutirnir æxluðust eftir að eiginkona hans greindist. „Á föstudegi missti hún meðvitund og klukkan 8:30 um morguninn er mér sagt að hún muni ekki lifa daginn af.“

Thomas hefur síðar byggt upp nýtt líf með maka sínum, Derrinu, og börnum þeirra. Hann segir þó að hann komist vitaskuld aldrei yfir áfallið sem fylgdi andláti Gemmu.