Rio Ferdinand gerði grín að Jamie Carragher eftir að sá síðarnefndi lét gamminn geisa á samfélagsmiðlum í aðdraganda leiks Manchester United og Liverpool á sunnudag.

Ferdinand birti gamla mynd af sér fagna marki gegn Liverpool á samfélagsmiðlum og skrifaði einfaldlega: „Setjið texta við þetta…“ Carragher svaraði hins vegar með hæðnisfullum skilaboðum þar sem hann sagði meðal annars að Ferdinand hefði alltaf passað sig á að vera í mynd þegar aðrir skoruðu og gagnrýndi hann fyrir að elta leikmenn í viðtalsrýmum til að taka upp efni fyrir YouTube-rás sína.

Eftir 3-2 sigur United á Old Trafford svaraði Ferdinand fyrir sig á YouTube-rás sinni og sagði Carragher hafa „misst sig algjörlega“.

„Sá einhver hvað Jamie skrifaði til baka? Mér fannst það ansi hart. Ég setti bara inn mynd af mér að fagna marki. Hann missti algjörlega stjórn á sér, hann spýtti bara snuðinu út,“ sagði Ferdinand og gerði grín að fyrrverandi samherja sínum úr enska landsliðinu sem hrækti á unga stelpu fyrir nokkrum árum.

Ferdinand bætti svo við í léttum tón að Carragher hefði einu sinni borið fyrir sig skó og tösku í landsliðsverkefnum.

Þeir tveir hafa oft tekist á opinberlega síðustu ár og eru þekktir fyrir að deila um hin ýmsu knattspyrnumál í fjölmiðlum.