Nýlega fundust þrjú lík í bíl sem fannst í ánni Columbia í Oregon í Bandaríkjunum. DNA-rannsóknir hafa leitt í ljós að þetta eru lík þriggja úr fimm manna fjölskyldu sem hvarf árið 1958.

CBS News segir að réttarmeinafræðingar hafi staðfest að líkin séu af hjónunum Kenneth og Barbara Martin og 14 ára dóttur þeirra, Barbie.

Lögreglan í Hood Rivers sagði að nú sé loksins hægt að loka þessu 68 ára gamla máli sem mikil vinna hafi verið lögð í að rannsaka.

Sagði lögreglan að ekkert hafi komið fram sem bendi til að eitthvað saknæmt hafi átt sér stað, hér hafi einfaldlega verið um hörmulegt slys að ræða.

Fjölskyldan hvarf í desember 1958 þegar hún fór til að kaupa jólatré.

Lík hinnar 13 ára Virginia og hinnar 11 ára Susan fundust nokkrum mánuðum síðar en lík hinna þriggja fjölskyldumeðlimanna fundust ekki fyrr en nýlega.