fbpx
Fimmtudagur 08.desember 2022
Fréttir

Segja vísbendingar um að árás Úkraínumanna á Kherson sé yfirvofandi

Kristján Kristjánsson
Fimmtudaginn 18. ágúst 2022 07:59

Rússneskur hermaður í Kherson. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Allt frá því að Rússar hernámu borgina Kherson, sem er í suðurhluta Úkraínu, í byrjun stríðsins hafa þeir reynt að breyta borginni í rússneska borg. Íbúar hafa barist á móti þessu og veitt hernámsliðinu eins mikla mótspyrnu og þeir hafa getað. Nú segja heimildarmenn að merki séu á lofti um að árás Úkraínumanna á borgina sé yfirvofandi.

Sky News skýrir frá þessu. Hernám Kherson er stærsti sigur Rússa í stríðinu og eina stóra borgin sem þeim hefur tekist að leggja undir sig. Eins og kunnugt er fóru þeir sneypuför að Kyiv og urðu að hörfa þaðan eftir harða mótspyrnu Úkraínumanna.

Á síðustu dögum og vikum hafa Úkraínumenn hert árásir sínar nærri borginni og hafa nú eyðilagt þrjár mikilvægar brýr yfir ána Dnipro sem Kherson stendur við, sem gerir Rússum erfitt fyrir við að koma birgðum til hermanna sinna í borginni. Nánast útilokað er að koma þungum ökutækjum yfir ána. Markmið Úkraínumanna virðist vera að þrengja hægt og rólega að birgðalínum Rússa og einangra þá 20.000 rússnesku hermenn sem eru í borginni.

Segir að Rússar hafi yfirgefið 20.000 hermenn nærri Kherson

Sky News segir að talið sé að sókn Úkraínumanna að borginni sé yfirvofandi á næstunni.

Sky News segir að fregnir hafi borist af því að fjölskyldur rússneskra hermanna, sem fluttu til borgarinnar eftir hernám hennar, séu nú flúnar af ótta við sókn Úkraínumanna. Einnig hafa borist fregnir af að yfirmenn  rússneska herliðsins í Kherson hafi forðað sér frá borginni og skilið undirmenn sína eftir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Engar áætlanir til um björgun ef skemmtiferðaskip lendir í vanda hér við land

Engar áætlanir til um björgun ef skemmtiferðaskip lendir í vanda hér við land
Fréttir
Í gær

Pútín ók sigurreifur yfir brúna sína en var niðurlægður af litlum drónum

Pútín ók sigurreifur yfir brúna sína en var niðurlægður af litlum drónum
Fréttir
Fyrir 2 dögum

Sprenging heyrðist langt inni í Rússlandi – Síðan kom torrætt úkraínskt tíst

Sprenging heyrðist langt inni í Rússlandi – Síðan kom torrætt úkraínskt tíst
Fréttir
Fyrir 2 dögum

Búðarþjófur hrækti í andlit afgreiðslumanns

Búðarþjófur hrækti í andlit afgreiðslumanns