Stjórn VR samþykkti á stjórnarfundi á miðvikudag að hækka laun formannsins, Höllu Gunnarsdóttur, um á bilinu 5-600 þúsund krónur. 13 af 15 stjórnamönnum samþykktu hækkunina, einn sat hjá og einn greiddi atkvæði á móti.
Laun Höllu eru eftir hækkunina 1.913.000 kr. á mánuði.
DV fékk ábendingu um þessa ákvörðun en fundargerð fundarins hefur ekki verið birt á vef VR. Var freistað þess að fá ábendinguna staðfesta hjá þeim stjórnarmönnum sem greiddu ekki atkvæði með tillögunni. Annar þeirra er Bjarni Þór Sigurðsson, sem sat hjá. Staðfesti hann hjásetuna í samtali við DV en vildi að öðru leyti ekki tjá sig um málið.
Jónas Yngvi Ásgrímsson greiddi atkvæði gegn hækkuninni. Hann viðurkennir þó í samtali við DV hækkunin sé ekki röklaus en hún á sér stoð í þeim veruleika að Halla gegnir embætti varaforseta ASÍ, en þiggur ekki laun fyrir heldur renna þau laun inn í VR, að sögn, Jónasar. Þiggur Halla eingöngu laun frá VR.
En hvers vegna var Jónas þá andsnúinn hækkuninni?
„Mér fannst þetta ekki tímabært, mér fannst þetta ekki rétti tímapunkturinn fyrir þessa breytingu,“ sagði hann og vísar þar til viðkvæms efnahagsástands í landinu.
Uppfært – athugasemd: Meirihluti hækkunarinnar er tilfærsla á launum Höllu sem varaforseti ASÍ og stjórnarmaður í LÍV. Þau laun renna núna inn í VR og Halla þiggur laun sín eingöngu frá VR. Launahækkunin er 188.936 kr. Sjá nánar:
