fbpx
Fimmtudagur 02.desember 2021
Fréttir

Kolbrún segir að ekki eigi að setja fólk í fjötra vegna stöðunnar á Landspítalanum

Kristján Kristjánsson
Föstudaginn 19. nóvember 2021 09:52

Kolbrún Bergþórsdóttir.

Ekki missa af Helstu tíðindum dagsins í pósthólfið þitt

Lesa nánar

Með því að einblína á smittölur er verið að senda fólki skilaboð um að bólusetningar skipti sáralitlu máli en það er vitanlega ekki rétt. Það er því lítið vit í að telja Covid-smit af sama ákafa og gert var áður en stór hluti þjóðarinnar var bólusettur.

Þetta segir Kolbrún Bergþórsdóttir í ritstjórnargrein í Fréttablaðinu í dag. Hún segir að ef þefa eigi upp hvert einasta Covid-smiti muni sá eltingarleikur standa lengi yfir og engu skila nema viðvarandi höftum. „Sóttvarnayfirvöld virðast tilbúin í þann leik, eru jafnvel frekar spennt fyrir honum. Stór hluti almennings er það alls ekki. Það er löngu tímabært að breyta um áherslur,“ segir hún.

Hún bendir á að þátttaka í bólusetningum hér á landi hafi verið góð og nú sé jafnvel búið að gefa sumum þrjá skammta en lítið bóli á því frelsi sem fólki var lofað ef það léti bólusetja sig.

„Enn eru ströng höft við lýði og lítið vit virðist í þeim flestum. Endalaust er verið að telja fólki trú um að hættur leynist svo að segja alls staðar. Ótrúlega margir gleypa við þeim áróðri,“ segir hún.

Hún víkur síðan að menningunni og segir að ekki hafi borist fréttir af að fólk sé að smitast í stórum stíl á menningarviðburðum en samt sem áður kosti það mikla fyrirhöfn að sækja slíka viðburði. „Þar eru fjöldatakmarkanir og grímuskylda, hraðprófs er krafist og fólk má ekki blanda geði. Ekki nema von að margir forðist að leggja þetta á sig og kjósi að sitja heima. Menningarviðburðir eiga að vera vítamínsprauta fyrir sálarlífið, ekki vera íþyngjandi. Á hverjum degi er menningarviðburðum frestað eða hætt við þá vegna ýmiss konar takmarkana. Menningarlíf á Íslandi er að verða fyrir miklu höggi vegna hafta. Eigum við virkilega að taka því með brosi á vör?“ segir Kolbrún og bætir við að með höftunum sé verið að tala árangurinn af bólusetningum niður.

„Við getum ekki endalaust búið við höft vegna smita sem eru ekki í miklum mæli að valda alvarlegum veikindum. Mannréttindi einstaklinga eiga svo ekki að miðast við stöðu Landspítalans hverju sinni. Úrbóta er örugglega þörf á Landspítalanum, en það á ekki að setja almenning í fjötra þess vegna,“ segir hún að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lögreglan staðfestir að torkennilegi hluturinn hafi verið sprengja

Lögreglan staðfestir að torkennilegi hluturinn hafi verið sprengja
Fréttir
Í gær

Gunnlaugur Bragi tekur við formennsku Hinsegin daga á nýjan leik

Gunnlaugur Bragi tekur við formennsku Hinsegin daga á nýjan leik
Fréttir
Í gær

Ekið á mann á hlaupahjóli

Ekið á mann á hlaupahjóli
Fréttir
Í gær

Sprengja fannst í ruslagámi í Mánatúni

Sprengja fannst í ruslagámi í Mánatúni
Fréttir
Fyrir 2 dögum

Læknaprófessorinn Jón Ívar vill ekki sjá bóluefnapassa hér á landi – Þeir virki ekki og sé „ætlað að kúga fólk til að þiggja lyf gegn eigin samvisku“

Læknaprófessorinn Jón Ívar vill ekki sjá bóluefnapassa hér á landi – Þeir virki ekki og sé „ætlað að kúga fólk til að þiggja lyf gegn eigin samvisku“
Fréttir
Fyrir 2 dögum

„Grunsamlegur hlutur“ í Mánatúni – Sérsveitin kölluð til í nótt og þrír í haldi lögreglu

„Grunsamlegur hlutur“ í Mánatúni – Sérsveitin kölluð til í nótt og þrír í haldi lögreglu