Landsliðskonurnar Glódís Perla Viggósdóttir og Karólína Lea Vilhjálmsdóttir voru gestir Helga Fannars Sigurðssonar í nýjasta þætti af Íþróttavikunni.
Ísland mætir Evrópumeisturum Englands á morgun í undankeppni HM. Þær ensku unnu fyrri leikinn ytra 2-0 og að sögn geta Stelpurnar okkar tekið eitt og annað úr þeim leik.
„Við erum búnar að ræða leiðir sem við sjáum eftir fyrri leikinn, að við getum stigið ofar,“ sagði Glódís.
„Það eru pláss sem myndast á bak við þær og í millisvæðinu og við þurfum að nýta það,“ sagði Karólína.
„Við erum ekki að fara í leikinn til að vera meira með boltann. En við ætlum að gera okkar vel,“ sagði Glódís enn fremur.
Nánar í spilaranum.
