Þetta er mat Kristian Lindhart, majors og hernaðarsérfræðings við danska varnarmálaskólann. Í samtali við TV2 sagði hann að ef Rússum takist að nýta þessa hermenn saman og marga í einu, eins og eigi að nota þá, geti það skipt máli þar sem þeir verða látnir berjast.
Sergei Shoigu, varnarmálaráðherra Rússlands, segir að herkvaðningunni sé lokið. Ef það er rétt þá eru Rússar nú hættir að neyða unga menn í herinn. Það hefur ekki gengið sérstaklega vel og hefur aðferðafræði stjórnvalda við herkvaðninguna verið gagnrýnd.
En þrátt fyrir þetta, þá geta þessir hermenn gert ákveðinn gæfumun á vígvellinum og þannig valdið Úkraínumönnum tjóni.
Myndbönd, sem hafa verið birt af herkvöddum mönnum, hafa mörg hver sýnt drukkna menn sem höfðu að því er virtist lítinn sem engan áhuga á að fara til Úkraínu að berjast. Þess utan hafa borist fréttir af því að þeir fái lélegan búnað.
Lindhardt sagði að sumir af þeim, sem voru fyrst kvaddir í herinn, hafi verið nýttir til að fylla í skörð rússneskra hersveita á vígvellinum. Margir hafi fallið og aðrir hafi gefist upp. Þetta sé þó lítill hluti þeirra 82.000 herkvöddu hermanna sem búið sé að senda á vígvöllinn.
Lindhart sagði að með réttri þjálfun og samvinnu hermanna og þeirra herkvöddu geti þeir orðið sá liðsstyrkur sem Rússar þurfa til að halda svæðum á borð við austhluta Donbas eða Krímskaga. Hann sagðist þó telja að Rússar hafi ekki getu til að verja bæði þessi svæði og þurfi því að velja á milli.
A local official told Russian conscripts, "You are not cannon fodder," in a video published online recently. The men responded by angrily shouting that, actually, that's exactly what they are. pic.twitter.com/ttI36LIjvd
— Radio Free Europe/Radio Liberty (@RFERL) October 28, 2022
