Budanov kom fram í sjónvarpi fyrr í vikunni til að ræða um Pútín og tvífara hans. The Sun skýrir frá þessu. Orðrómar hafa lengi verið á kreiki um heilsufar Pútíns og að hann notist hugsanlega við tvífara við hin ýmsu tækifæri. Einn orðrómurinn gengur raunar út á að Pútín sé dáinn og tvífari hans komi fram til að tryggja að rússneska þjóðin telji Pútín vera á lífi.
En Budanov gekk nú ekki svo langt að halda því fram að Pútín sé dáinn en sagði að hann notist oft við staðgengla. Hann sagði að það sem sanni þetta séu eyru Pútíns. „Eyrun eru öðruvísi . . . þau eru eins og fingraför, eyru sérhvers einstaklings eru einstök,“ sagði hann.
Hann sagði einnig að staðgengill eða staðgenglar Pútíns „noti öðruvísi jakkaföt, framkoma þeirra sé öðruvísi, göngulagið sé öðruvísi og ef vel sé að gáð sé stundum hægt að sjá hæðarmun“.
Budanov hefur áður sagt að hugsanlega hafi tvífari Pútíns verið með í för þegar forsetinn fór til Teheran í Íran í júlí, eða þá að tvífari hafi verið sendur í stað Pútíns. „Pútín“ hafi verið undarlegur að sjá þegar hann gekk niður tröppurnar úr flugvél sinni og þess utan hafi hann verið kvikari í hreyfingum og frískari að sjá en að undanförnu. Að mati Budanov bendir þetta til að um tvífara hafi verið að ræða.
