Réttarhöld yfir fyrrum knattspyrnumanninum Jack Parkinson eru hafin í London. Hann sakaður um að hafa misnotað stöðu sína sem þjálfari til að beita drengi kynferðisofbeldi.

Parkinson, sem lék á sínum tíma með félögum á borð við Welling United, Woking, Maidstone United og Dover Athletic, er sakaður um að hafa brotið gegn fjórum drengjum á árunum 2010 til 2019 á meðan hann starfaði sem þjálfari.

Saksóknari málsins segir hann hafa notað hlutverk sitt til að komast í nánd við fórnarlömbin og beitt ýmsum aðferðum til að brjóta á þeim, meðal annars með því að bregða sér í hlutverk sjúkraþjálfara þeirra.

Parkinson neitar öllum ásökunum, sem innihalda nauðgun og kynferðisbrot.

Málið var tekið upp að nýju eftir að einn kærandi leitaði til lögreglu árið 2019, en áður hafði rannsókn átt sér stað án þess að hún leiddi til ákæru.

Réttarhöldin standa yfir.