Samkvæmt nýrri skýrslu Menntavísindastofnunar um börn og netmiðla hafa tæplega þrír af hverjum tíu nemendum í 8. bekk horft á klám á netinu, hlutfallið hækkar síðan með árunum og hefur rúmlega helmingur nemenda í 10. bekk horft á klám og sjö af hverjum tíu nemendum í framhaldsskóla.
Skýrslan byggist á könnun sem Fjölmiðlanefnd fékk Menntavísindastofnun Háskóla Íslands til að framkvæma meðal grunn- og framhaldskólanema á aldrinum 9-18 ára vorið 2021 og hafa niðurstöðurnar verið kynntar í nokkrum hlutum. Sá hluti sem hér er til umfjöllunar fjallar um klám.
Helstu niðurstöðurnar eru þær að á bilinu tvisvar til þrisvar sinnum fleiri strákar en stelpur í grunnskóla hafa horft á klám, en munurinn á milli kynjanna verður minni í framhaldsskóla.
Meirihluti ungmenna leita sjálf af klámefni á netinu. Stelpur leita síður að klámefni en strákar, og eru strákar heldur líklegri til að sjá klámauglýsingar á netinu og líkar klámáhorfið betur en stelpum. Reyndar greindu flest ungmennin fra því að líka við klámáhorfið. Fjórðungi nemenda í 8-10. bekk var alveg sama, og um einn af hverjum tíu nemendum á báðum skólastigum þótti klámið spennandi. Fáir sögðu klámið vera ógeðslegt, en þar má til dæmis nefna að engum strák í framhaldsskóla fannst klámið ógeðslegt.
Þátttakendur voru spurðir hvort og þá hvar þeir hefðu séð klámauglýsingar á netinu. Sögðust þar flestir hafa séð slíkar auglýsingar á Google.
