Liverpool hefur engan áhuga á að losa Ryan Gravenberch í sumar, þrátt fyrir áhuga annars staðar frá á honum.
Hinn 23 ára gamli Gravenberch er lykilmaður á miðjunni hjá Liverpool en í spænskum miðlum er fjallað um áhuga Barcelona á honum.
Þar segir þó enn fremur að Liverpool muni ekki selja hollenska landsliðsmanninn nema tilboð upp á um 150 milljónir punda berist í hann.
Gravenberch kom til Liverpool frá Bayern Munchen árið 2023 og er hann samningsbundinn á Anfield til 2032. Félagið er því í mjög sterkri stöðu næstu árin reyni annað félag að kaupa hann.
