Margrét Friðriksdóttir, stjórnandi Stjórnmálaspjallsins á Facebook, óskar eftir að bílstjórinn gefi sig fram sem ók á dóttur hennar á gangbraut við Glæsibæ um kvöldmatarleytið.

Margrét segir í færslu að umræddur bílstjóri hafi verið á hvítum sendibíl með merkingu sem „endar á X eitthvað,“ blátt og appelsínugult merki samkvæmt minni dóttur hennar.

„Stelpan mín sjokkeraðist mjög við þetta og áttaði sig ekki á að taka niður bílnúmer fyrr en eftirá, en bílstjórinn skrúfaði bara niður rúðuna og spurði hvort væri í lagi með hana og keyrði svo í burtu en hann keyrði yfir fótinn á henni,“
segir Margrét.