Eins skrítið og það kann að hljóma þá gæti Jadon Sancho verið eftirmaður Kylian Mbappe sem kvaddi PSG í sumar.

PSG er að leita að sóknarmönnum fyrir komandi tímabil og samkvæmt L’Equipe er Sancho ofarlega á óskalistanum.

Sancho er leikmaður Manchester United en hann hefur lítið sem ekkert sýnt í rauðu treyjunni.

Sancho var lánaður til Dortmund í vetur og stóð sig ágætlega en framtíð hans á Old Trafford er í óvissu.

Það er ekkert grín að taka við af Mbappe sem skoraði 44 mörk á síðustu leiktíð áður en hann hélt til Real Madrid.

Sancho er 24 ára gamall og hefur fengið að spila með United á undirbúningstímabilinu í sumar.