Hjónin Jason og Jessica King hafa ákveðið að andmæla ekki ákæru gegn sér um ofbeldi gegn börnum. Réttað er yfir fólkinu við dómstól í Lansing, Michigan BNA.
Þau Jason, 45 ára, og Jessica, 45 ára, eiga átta börn, þar af eru fjögur ættleidd. Þau eru sökuð um að hafa látið börnin um langt skeið nærast aðeins á vökva, vegna þess að þeim fannst þau borða of mikið. Einnig eru þau sökuð um að hafa lokað börnin inni í hundabúrum.
Er rannsóknarlögreglumenn komust í samband við 12 ára dóttur hjónanna þá leit hún út fyrir að vera 6 til 8 ára, vegna þess að hún var svo smávaxin. Börnin á heimilinu báru merki um langvarandi vannæringu.
Brotin voru framin í tveimur fylkjum en um tíma bjuggu Klimp-hjónin í Tennessee. Þegar hefur verið réttað yfir þeim vegna illrar meðferðar barnanna þar og fengu þau hvort um sig tíu ára fangelsisdóm. Það mun bætast við þá refsingu vegna þess að hjónin hafa nú verið framseld til Michigan þar sem réttað er yfir þeim vegna brota gegn börnunum er þau bjuggu þar. Refsing yfir Jason verður kveðin upp 16. júní en ekki liggur fyrir um hvernig refsing yfir Jessicu verður ákvörðuð.
Nánar má lesa um málið hér.
