Rannsókn á svefnvenjum leiddi í ljós að ein stelling sker sig úr og það er einmitt hún sem sérfræðingar mæla yfirleitt með.
Þetta er hliðarstellingin.
Samkvæmt rannsókn, sem var birt í PubMed Central, er þetta algengasta svefnstellingin. Þátttakendur í rannsókninni sváfu rúmlega hálfa nóttina í þessari stellingu, eða 54% af tímanum.
Þátttakendurnir sváfu á bakinu í um þriðjung svefntímans en mjög sjaldgæft var að þeir svæfu á maganum.
Það er engin tilviljun að þessi stelling er svona mikið notuð. Þetta er stelling sem líkaminn fer ósköp eðlilega í þegar þú hvílist. Hún fellur vel að líkamanum, styður við náttúrulega stöðu hans og er þess utan þægileg. Eftir því sem fólk eldist, þá breytist líkaminn meira og þeim mun meiri tilhneigingu hefur fólk til að sofa á hliðinni.
Þvert á það sem margir halda, þá eyðir maður nóttinni ekki í að bylta sér og snúa. Að meðaltali skiptir sofandi manneskja um stellingu 1,6 sinnum á hverri klukkustund. Þessar hreyfingar eru því ekki algengar og mest af öllu þá eru þær mjög auðveldar. Líkaminn lagar líkamsstöðuna ósjálfrátt án þess að hafa áhrif á svefngæðin.
