Það er ekki alltaf lengd svefnsins sem ræður hvernig þér líður daginn eftir. Smáatriði í svefnherberginu geta leikið stærra hlutverk í þessu samhengi en flestir átta sig á.

Prevention segir að hitastigið í svefnherberginu geti haft áhrif á hvernig hjartað starfar á meðan þú sefur.

Þegar þú sefur, þá á líkaminn að hvílast og endurhlaða. Það hægist á púlsinum og líkaminn verður rólegri. En ef það er of heitt í herberginu, þá getur þetta ferli truflast.

Í rannsókn, sem var birt í vísindaritinu BMC Medicine, kemur fram að hár hiti að næturlagi valdi því að púlsinn sé hraður og sýni merki um líkamlegt stress.

Ástæðan er að hitinn hefur áhrif á þann hluta taugakerfisins sem stýrir hjartslættinum og blóðþrýstingnum.

Þegar hitinn er of hár, verður líkaminn að leggja meira á sig til að losna við hitann. Það getur dregið úr svefngæðunum og aukið álagið á blóðrásina.

Svalara umhverfi getur á hinn bóginn hjálpað líkamanum við að finna ró og stutt við stöðugri virkni hans að næturlagi.

Það er einnig mikilvægt að forðast öfgahitastig, hvort sem það er of mikill hiti eða kuldi, því það getur haft neikvæð áhrif á svefninn.