Staða Trump var ekki góð fyrir því vinsældir hans hafa snarminnkað og Repúblikanaflokkurinn færist sífellt nær því að gjalda afhroð í kosningunum í nóvember.
Og nú berast þau tíðindi að bandarískir kosningasérfræðingar séu farnir að taka eftir áberandi mun á kjósendum flokkanna tveggja.
Það er auðvitað munur á hvorn flokkinn þeir kjósa. Þeir vinstrisinnuðu kjósa Demókrataflokkinn og þeir hægrisinnuðu Repúblikanaflokkinn.
En eitt það mest afgerandi, og það sem gleymist oft, er hversu mikill hvati kjósendanna er til að mæta á kjörstað til að kjósa.
Nú er hvati vinstrisinnaðra kjósenda miklu meiri en þeirra hægrisinnuðu og það er hættumerki fyrir Trump og Repúblikana og getur haft mikil áhrif á úrslitin í nóvember.
Í nýlegri könnun sem Ipsos gerði fyrir Washington Post og ABC News kemur fram að 73% kjósenda Demókrataflokksins telja að kosningarnar í nóvember séu mikilvægari en nokkrar aðrar kosningar. Hjá kjósendum Repúblikanaflokksins er hlutfallið 52%.
Með öðrum orðum þá eru Demókratar 21 prósentustigi líklegri til að mæta á kjörstað.
Aðrar skoðanakannanir hafa sýnt svipaða stöðu.
Þetta getur orðið afgerandi í kosningunum því úrslit kosninga í Bandaríkjunum ráðast sjaldnast af hvern fólk kýs. Þau ráðast af hvort fólk mæti á kjörstað og kjósi.
Kosningabaráttan snýst því ekki eingöngu um að sannfæra kjósendur um að skipta um flokk, heldur um að fá þá upp úr sófanum.
