Interia Zdrowie skýrir frá þessu og segir að með ólífuolíunni fáist næringarefni sem kaffi innihaldi ekki. Þar á meðal eru E-vítamín og K-vítamín auk andoxunarefna. Einnig smávegis af kalíum og járni.
Þessi blanda er sögð hafa margvísleg jákvæð áhrif á líkamann. Ómettuðu fitusýrurnar úr ólífuolíunni geta hjálpað til við að hafa stjórn á kólesterólinu.
Blanda af fitu og koffíni veitir meiri og stöðugri orku og bætir einbeitinguna.
Blandan getur einnig aukið mettunartilfinninguna sem getur minnkað löngunina í mat á milli máltíða.
En þessi blanda er ekki fyrir alla. Fólk með viðkvæman maga, lifrarvandamál eða bakflæði ætti að fara varlega í að neyta hennar. Hún getur einnig haft áhrif á hægðirnar í fyrstu, gert þær ansi mjúkar.
