Harry prins, sem býr nú í Bandaríkjunum með fjölskyldu sinni, fylgist auðvitað náið með því sem gerist í Bretlandi og segja ýmsir alþjóðlegir fjölmiðlar að nýlegur atburður þar í landi hafi vakið miklar áhyggjur hjá Harry.

Atburðurinn, sem um ræðir, átti sér stað nærri heimili Andrew Mountbatten-Windsor, sem er föðurbróðir Harrys og var áður prins, í Sandringham. Þar ógnaði maður Andrew.

Maðurinn er í haldi lögreglunnar og verður mál hans tekið fyrir dóm í sumar að sögn Express.

Málið tengist Harry ekki beit en það er talið vera enn ein áminningin um hversu viðkvæm öryggismál bresku konungsfjölskyldunnar eru. Þetta hefur einmitt verið ofarlega í huga Harry í langan tíma.

Allt frá því að hann dró sig í hlé frá opinberum skyldum 2020 hefur hann barist fyrir að endurvekja þá vernd sem hann fékk áður í Bretlandi. En þessi barátta hans hefur ekki skilað neinum árangri.

Hann hefur sagt að honum finnist ekki öruggt að taka fjölskyldu sína með til Bretlands ef þau njóti ekki verndar á vegum hins opinbera.

„Ég sé ekki heim þar sem ég get tekið fjölskyldu mína með til Bretlands án nauðsynlegrar öryggisgæslu. Mér finnst það virkilega dapurt að ég get ekki sýnt börnunum mínum ættjörðina,“ sagði hann eitt sinn.