Hann var handtekinn, grunaður um að hafa stundað kynlíf með sextugri konu á viðskiptafarrými vélarinnar. Parið var á leið frá Panama til Argentínu en þetta er sjö klukkustunda flug. La Nación skýrir frá þessu.
Parið hafði aldrei hist áður en fór að tala saman á leiðinni og síðan þróaðist þetta yfir í líkamlega snertingu og kynlíf í sætunum.
En eins og fyrr segir þá beið lögreglan eftir parinu og handtók það eftir lendinguna og flutti til yfirheyrslu.
Það var amma, sem var farþegi í vélinni, sem gerði áhöfninni viðvart um taktfastar hreyfingar sætanna númer 1F og 1E en ungt barnabarn ömmunnar sat nærri þessum sætum.
Farþegar segja að áhöfn vélarinnar hafi beðið farþegana um að halda kyrru fyrir í sætum sínum eftir að vélin var lent því „alvarlegur öryggisatburður“ hafi átt sér stað.
