Breytingar voru nýlega gerðar á norðurkóresku stjórnarskránni. Miðuðu þær að því að skilgreina á skýran hátt hvaða landsvæði tilheyra Norður-Kóreu og í fyrsta sinn er kveðið á um að einræðisherrann Kim Jong-un fari með stjórn kjarnorkuvopna landsins.

The Independent segir að einnig hafi öll ákvæði um sameiningu við Suður-Kóreu verið fjarlægð.

Suðurkóreska dagblaðið The Chosun Daily hefur eftir sérfræðingum í málefnum Norður-Kóreu að þetta geti verið til raun til að láta Norður-Kóreu líta út fyrir að vera „eðlilegt“ ríki.

Í nýju útgáfu stjórnarskrárinnar er forðast að nota fjandsamlegt orðalag um Suður-Kóreu og hugmyndafræðilegar tilvitnanir hafa verið afnumdar, til dæmis um að þetta sé stjórnarskrá Kim Il-sung og Kim Jong-il.

Breytingarnar voru samþykktar á marsfundi þjóðþingsins.