USB-tengið býður upp á miklu fleiri möguleika en margir vita. Með því að nota það rétt, getur það aukið þægindi, aukið öryggið og gert bílferðina betri.
Margir bílaframleiðendur bjóða upp á hugbúnaðaruppfærslur í gegnum USB. Það er hægt að sækja uppfærslurnar á heimasíður þeirra, afrita á USB-drif og hlaða beint inn í bílinn.
Þetta er yfirleitt einfalt ferli og það er útskýrt skref fyrir skref á tölvuskjá bílsins. Með þessu er hægt að tryggja að bíllinn sé alltaf með uppfærðan hugbúnað án þess að þurfa að fara á verkstæði til að láta gera þetta.
Það er líka hægt að tengja myndavélar við USB-tengið. Þá kviknar sjálfkrafa á þeim þegar bíllinn er gangsettur og slökknar þegar drepið er á honum.
Svo er auðvitað hægt að hlusta á tónlist með því að stinga USB-drifi, fullu af tónlist, í samband. Það virkar kannski svolítið gamaldags á tímum streymisveitna en getur verið gott til að þurfa ekki að treysta á netsamband eða gagnamagn.
Svo er hægt að tengja farsímann við tengið með snúru en þannig færðu aðgang að leiðsögukerfum, tónlist og skilaboðum í gegnum Apple CarPlay eða Android Auto.
