fbpx
Mánudagur 19.apríl 2021
Pressan

Trumphjónin voru bólusett í Hvíta húsinu í janúar

Kristján Kristjánsson
Miðvikudaginn 3. mars 2021 05:08

Melania og Donald Trump voru bólusett í janúar en höfðu ekki hátt um það.

Ekki missa af Helstu tíðindum dagsins í pósthólfið þitt

Lesa nánar

Donald Trump, fyrrum Bandaríkjaforseti, og eiginkona hans, Melania Trump, voru bæði bólusett gegn kórónuveirunni í Hvíta húsinu í janúar, áður en þau fluttu til Flórída. Ekki liggja fyrir upplýsingar um hvaða bóluefni þau fengu eða hvort þau fengu einn eða tvo skammta.

Ráðgjafi Trump skýrði CNN frá þessu á mánudaginn. Líklegt má telja að skýrt hafi verið frá þessu í tengslum við að Trump hvatti stuðningsfólk sitt til að láta bólusetja sig gegn veirunni þegar hann flutti ræðu á ráðstefnu íhaldsmanna, Conservative Political Action Conference, í Flórída á sunnudaginn. Hann sagði viðstöddum þá að það væri algjörlega sársaukalaust að láta bólusetja sig gegn veirunni og að allir ættu að láta bólusetja sig. Þessi hvatning hans markar ákveðin þáttaskil í afstöðu Trump til kórónuveirunnar en á valdatíma hans í Hvíta húsinu dró hann oft úr alvarleika faraldursins og stundaði ekki félagsforðun né notaði andlitsgrímu.

CNN hafði áður skýrt frá því að talsmaður Hvíta hússins hefði sagt að Trump yrði ekki bólusettur gegn kórónuveirunni nema læknar Hvíta hússins mæltu með því. Talsmaðurinn sagði þá að Trump nyti enn góðs af lyfjablöndu sem hann fékk þegar hann var með COVID-19 síðasta haust en bæði hann og Melania greindust þá með veiruna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Þýska ríkisstjórnin vill herða sóttvarnaaðgerðir – Vilja setja útgöngubann á

Þýska ríkisstjórnin vill herða sóttvarnaaðgerðir – Vilja setja útgöngubann á
Pressan
Fyrir 3 dögum

Bretar tóku opnun pöbba fagnandi – Áfengissala jókst um 114%

Bretar tóku opnun pöbba fagnandi – Áfengissala jókst um 114%
Pressan
Fyrir 3 dögum

Prófessor – „Við erum búin að búa til nýjan sjúkdóm og hann kemur frá bóluefni AstraZeneca“

Prófessor – „Við erum búin að búa til nýjan sjúkdóm og hann kemur frá bóluefni AstraZeneca“
Pressan
Fyrir 3 dögum

Blóðtappar uppgötvuðust í tilraunum með Janssen-bóluefnið

Blóðtappar uppgötvuðust í tilraunum með Janssen-bóluefnið